Nagdangat na sa masobra tatlo ka-adlaw ang pagtinir sa evacuation center sang isa ka pamilya bangud sa pamahog sang habagat.
Sa interview sang Bombo Radyo kay Leopoldo Fuasan, residente sang Barangay San Juan, Molo, Iloilo City, iya ginpahayag nga nahamtang ang ila balay sa kilid mismo sang baybayon kag bangud sa kahangawa nga malab-ot sila sang nagataas nga balod, ginpakamaayo nila nga temporaryo nga magpabilin sa evacuation center samtang nagabalik-balik ang paglain sang tyempo.
Gin-ako ni Fuasan nga gintestingan man nila nga magpauli agud tsikyaron ang ila nga balay apang nakit-an nila nga mataas sa gihapon ang tubig sa baybayon kag mabaskog ang huyop sang hangin sa diin daw halos makakas na ang ila nga atop.
Bangud sini, ginpakamaayo nila nga magbalik sa evacauation center sa diin nagapasalamat man sila bangud wala man sila ginapabay-an sang mga opisyal sang barangay sa ila nga pagkaon kag kinahanglanon.
