ILOILO CITY – Nagapanindugan ang pamilya nga indi COVID-19 ang ginkamatay sang 10 ka tuig nga bata nga baayi nga residente sang Brgy. Rizal Ibarra, Iloilo City.
Sa interview sang Bombo Radyo kay Punong Barangay Rodney Rafols, iya ginpahayag nga apisar nakumpirma nga COVID-19 positive ang bata apang wala nagapati ang pamilya nga ang nasambit nga virus ang ginkamatay sang pasyente santo sa certification halin sa hospital.
Sunu kay Rafols, antes gindala sa hospital, nakabatyag sang pagpalanakit sang tiyan ang bata kag natukiban nga may yara sang appendicitis.
Bilang protocol, ang tanan nga pasyente nga nagakinahanglan sang surgery ang ginapaidalom sa COVID-19 test.
Ginpahayag ni Rafols nga nagtawag ang City Health Office sa iya agud pahibaluon nga may yara sang residente sa ila lugar nga nagtaliwan bangud sa COVID-19.
Apisar sini, wala sang contact tracing nga ginpatigayon bangud suno kay Rafols, residente sang iban nga barangay ang pamilya sang bata apang gindeklarar lang nila nga sa Rizal Ibarra ang ila address.
