Ginakwestyon ang Barangay Alalasan, Lapuz matapos nga nahibaluan nga isa ka pamilya nga natupok sang kalayo wala nalakip sa 4Ps, bisan pa nga kwalipikado.
Sa interview sang Bombo Radyo kay Grace Mandap, ginpahayag niya nga na-stroke ang iya bana sang nagligad nga tuig, kag ang ila pangabuhi nagasandig lang sa pagbaligya sang Penoy. May apat sila ka kabataan nga lunsay menor de edad kag naga-eskwela.
Wala sang nasalbar ang pamilya, lakip na ang wheelchair sang iya bana. Gin-athag sang barangay nga ongoing pa ang cleansing sang mga beneficiary kag buligan nga makasulod ang pamilya.
May personal nga bulig nga ginhatag sang pila ka opisyal, kag ginpabutyag nga sila ang maga giya sa Department of Social Welfare and Development para sa inclusion sang pamilya.
Temporaryo nga naga-istar ang pamilya sa Alalasan Health Center samtang padayon ang koordinasyon sa City Social Welfare and Development Office.
Kag sa mga gusto magbulig para sa mga pamilya nga nasunugan , mahimo kamo magkadto sa Alalasan Health Center ukon sa ila Barangay Hall.
Reported by: Bombo Lyka Sandiego Via Bombohanay sa Udto
