Nagapati ang bayaw ni Alyas Christopher, ang driver nga nakuhaan sang P816 million nga shabu sa Calapan Port, Oriental Mindoro nga wala sila nagkulang sa paglaygay sa natungdan agud nga makalikaw sa iligal nga druga.
Si alyas Christopher ang 43-anyos, isa ka truck driver kag residente sang nasambit nga lugar.
Sa interview sang Bombo Radyo kay Alyas Flor, utod sang asawa ni Christopher, iya ginpahayag nga bisan siya ang ginkakibot ang natabo kag indi makapati nga nahimo ini sang iya bayaw.
Ini bangud man nga sa kapigaduhon sang ila pamilya.
Suno kay Flor, kon nagabaligya gidman sang iligal nga druga si alyas Christopher, dako na ini kontani nga bulig sa ila nga pangabuhi kag indi na mahimo nga makapangutang.
Ginpahayag man sini nga may bes man nga ginkompranta na niya si Christopher nga indi gid maggamit sang iligal nga druga.
Gin-ako naman sang anak ni Alyas Christopher nga tuman gid ka kulang ang kwarta nga ginapadala sa ila sang iya amay.
Suno kay Alyas Nene, nag-untat siya sang pag-eskwela bangud man sa kakulangan sang pinansyal nga suporta.
Naghingyo man ini sa iya amay nga makapauli kontani sang nagligad nga semana bangud nagselebrar siya sang iya nga debut.
Ginpahayag man sini nga sa amo nga tion, wala gid nakahatag sang bisan pila nga kwarta ang iya amay.
Nagalaum naman ang asawa ni Alyas Christopher nga makadugang makaistoryahanay sila nga duha.
Suno kay Alyas Dayday, luyag lang niya makita ukon makapakig-angot sa iya bana agud nga mahibaluan sini ang mga kinahanglanon ni Christopher.
Luyag man sang natungdan nga mahibaluan kon ngaa naglab-ot sa amo nga sitwasyon ang iya bana.
Gin-athag man sini nga wala gid sa sang ihibalo nga naga-engage ang iya bana sa iligal nga aktibidad.
Yari ang nangin kabahin sang ila pag-istoryahanay ni Alyas Christopher.
