Dako ang pagpasalamat sang pila ka pamilya sa Distrito sang Lapuz, Iloilo City kasunod sang wala sang may naigo sa ila sa nagtalang nga bala sang armas-luthang sa pagsug-alaw sang bag-ong tuig.
Sa interview sang Bombo Radyo kay Alyas “Ronel”, tagbalay sa nasambit nga Distrito, iya ginpahayag nga mas makapamaayo kon may muzzle taping ang mga kapulisan agud ma-control ang mga pagtalang sang bala.
Suno kay Ronel, wala man siya nagaduda sa mga kapulisan ukon sa mga militar bangud posible man nga naghalin ini sa mga pribado nga indbidwal nga nagapanag-iya sang armas.
Ginpahayag man sini nga mas maayo kon may sistema ang kapulisan nga ginaduso sa tagsa ka tuig agud nga ma-control kag malikawan ang pagtalang sang mga bala.
Ini naman ang labing-una nga tion nga natabo sa pamilya ni Alyas Ronel ang insidente.
