ILOILO CITY–Nagasinggitan sang hustisya ang pamilya Salcedo kasunod sang pagkapatay sang duha ka katapo sang pamilya sa ginpatigayon nga raid sa ila balay sa Sara, Iloilo.
Sa interview sang Bombo Radyo kay Nicalyn Salcedo, utod sang Nixon Salcedo kag hinablos ni dismissed SPO4 Nerio “Ricky” Salcedo, iya ginpahayag nga hustisya ang ila ginasinggtan bangud nga hungod nga ginpatay ang duha ka katapo sa ila pamilya.
Ginpahayag dugang ni Salcedo nga masami nagatinir sa ila balay sa Sara ang iya utod nga si Nixon.
Malayo suno kay Salcedo nga nagbato ang iya utod bangud nga wala man sang may ginahuptan nga armas-luthang ang biktima.
Ginpahayag dugang ni Salcedo nga planted lamang ang nakuha nga granada kag de kalibre nga armas luthang sa ila balay.
Santo sa mga nakakita suno kay Salcedo, nagsulod ang iya utod nga si Nixon sa balay sang ila Lolo nga si Mayor Ermelita Salcedo kag anay Mayor Neptali Salcedo sang nabati-an na ang asud-asud nga lupok.