Nagasinggitan sang suporta ang pamilya sang 179 ka mga napatay kasunod sang pag-crash ang South Korean passenger airplane sa Muan International Airport sa South Jeolla Province sa South Korea.
Sa interview sang Bombo Radyo kay Joseph Vermont Bandoy, Bombo International Correspondent sa South Korea, iya ginpahayag nga padayon ang pagpatuman sang identification sang South Korean government paagi sa finger printing kag DNA testing.
Suno kay Bandoy, ang duha ka mga naka-survived ang yara subong sa Seoul, South Korea kag padayon nga ginalapatan sang pagbulong.
Gin-athag man sini nga halos tanan sa mga biktima ang na-identify kon sa diin, duha sa kabug-usan nga 181 nga pasahero, duha ang Thai kag lunsay South Korean ang nabilin.
Nagtipon naman ang pila sa mga pamilya sang mga nagtaliwan sa Muan airport agud maghulat nga maguwa ang ‘official’ nga identity sang ila mga himata.
Una na nga nagaguwa ang impormasyon nga ‘bird strike’ ang rason sa pagkaguba sang landing gear sang eroplano tubtob nga naghugpa sa runway apisar nga wala na sang landing gear.
