Nagasinggitan sang hustisya ang pamilya sang 18-anyos nga lalaki nga gintiro-patay samtang ini ang nagasakay sa tricycle sa Taal, Molo, Iloilo City.
Ang biktima amo si Cris Mark Gapol, 18-anyos, residente sang San Juan, Molo.
Sa interview sang Bombo Radyo kay Police Colonel Kim Legada, Director sang Iloilo City Police Office (ICPO), iya ginkumpirma nga nadakpan na ang suspek nga nagpangamot mismo agud tiruhon ang biktima.
Suno kay Legada, santo sa inisyal nga imbestigasyon, ang driver sang tricyle kag ang biktima amo ang kilalahay, kon sa diin ginsugat nila ang isa sa ginapahayag kaupod sang riding in tandem nga si Angelo Bayot sa San Juan, Molo.
Dugang sini nga kag gin-guide pa ni Bayot ang tricycle nga magpadulong sa Brgy. Taal kon sa diin nagluntad ang insidente.
Ginbuyagyag man sang natungdan nga sang nag-abot na sila sa lugar, nagsiling si Bayot nga idulog ang tricycle kon sa diin, nagpanaog ini kag gilayon nga nagpalagyo.
Didto na kag ginhimo sang mga suspek ang pagpaniro sa biktima samtang ini ang nagasakay sa tricycle.
Gintumod man sini nga nagasunod na nga daan ang riding in tandem sa tricycle antes paman himuon ang krimen.
Nahibaluan nga madamo sang record ang biktima sa Women and Children Protection Desk (WCCP) kon sa diin lakip na diri ang involvement sini stabbing incident.
Suno naman kay Romulo Zabala Jr., residente kag isa sa mga nakakita sang krimen, iya ginpahayag nga nabatian nila ang indi magnubo sa apat ka mga lupok nga ginkakugmat man sang pila ka residente.
Suno kay Zabala, may kaupod ang biktima sa sulod sang tricycle kag sang nagpanaog ang kaupod sini, nagsiling pa nga hulaton siya nga magbalik.
Gin-athag man sang natungdan nga sang naglakat na ang kaupod sang biktima, gilayon nga nagsunod ang riding in tandem sa tricycle kag ginhimo ang krimen.
Una na nga ginpahayag ni Iloilo City Police Office (ICPO) Director Police Colonel Kim Legada, nga posible may kaangtanan sa daan nga kaso sang biktima sang ini ang soltero pa ang nangin motibo sang mga suspek sa pagpatay sa 18-anyos.
