ILOILO CITY- Hustisya ang ginasinggitan sang pamilya sang 68-anyos nga lola nga gin-rape sang 19-anyos nga soltero sa Anilao, Iloilo.
Sa interview sang Bombo Radyo kay Alyas Jobel, umagad sang biktima, iya ginpahayag nga masinapat-sapaton ang ginhimo sang suspek sa paghimulos sa tigulang.
Suno kay alyas Jobel, makaluluoy ang sitwasyon sang iya ugangan bangud nga diutayan lang ini maubusan sang dugo nga posible nangin kabangdanan kuntani nga ginbawian gid ini sang kabuhi kun wala gilayon madala sa ospital.
Dugang niya, posible nga ginharug pa gid sang suspek ang tigulang gamit ang matig-a nga bagay sa iya kinatawo bangud sa sobra nga bleeding.
Padayon pa subong nga naka-confine sa ospital ang biktima samtang nagapabilin nga at large ang suspek.
