Emosyonal nga gintuad sang aktres nga si Kim Chiu ang iya nangin eksperyensya matapos nga ginpa-arakan sang bala ang iya salakyan sa Quezon City.
Suno kay Kim padulong kun tani siya sa venue sang iya nga taping apang nakibot lang sila sang gin-paarakan sang wala pa makilal-an nga mga lalaki ang ginasakyan niya nga van.
Dugang sang natungdan, wala siya sang madumduman nga tawo nga posible may motibo sa nasambit nga krimen bangud pat-ud niya nga wala siya sang kontra kag may kaakig sa iya.
Samtang nagapati naman ang pamilya sang aktres nga “mistaken identity” ang natabo kay Kim bangud daw kaangay nga salakyan sang isa ka pulitiko ang salakyan niya.
Sa subong padayon pa ang ginapatigayon nga imbestigasyon sang kapulisan agud madakpan ang mga suspek nga may kahimuan sang krimen.
Nagpasalig naman ang aktres sa iya mga fans nga apisar ginakulbaan siya sa gihapon, yara naman siya sa maayo nga kahimtangan.
