Ginkakibot sang pamilya sang anay punong barangay sang Pali Benedicto, Mandurriao Iloilo ang hitabo nga pagluthang-patay sang ginapahayag riding in tandem sa biktima sa nasambit nga lugar.
Ang biktima ang ginkilala nga si anay punong barangay Joel Obregon sang nasambit nga lugar.Sa interview sang Bombo Radyo kay Melvin Obregon, magulang sang biktima, iya ginpahayag nga nakabati lang sila sang lupok sang armas nagikan sa duha ka suspek nga nakasakay sa motorsiklo.
Suno pa sa iya ginapahayag nga nakadalagan pa ang anay punong barangay antes ini natumba malapit sa poste sang kuryente kun sa diin nakita ang naglinapta nga empty shells sang caliber 45, yabi sang motor sang biktima, kag eyeglass sini.
Pahayag pa sang magulang sang biktima nga naghalin sa bangga ang anay punong barangay kag nagpauli na sa iya balay.Dugang pa sang natungdan wala man siya sang ihibalo kun ano ang motibo sang krimen kag wala man siya sang may nahibaluan nga may nakontra ang iya utod.
Nahibaluan nga nakaangkon sang duha ka pilas sa magtimbang nga dughan kag tatlo ka pilas sa likod si Obregon. Ginhingagaw pa ini dala sa hospital apang gindeklarar nga dead on arrival sang attending physician.
