ILOILO CITY – Hustisya ang gina singgit sang pamilya sang lalaki nga ginluthang patay sa Brgy. Balabago sa distrito sang Jaro.
Ang biktima ginkilala nga si Ricky ‘Bongbong’ Jinon, ginabanta sa 50 anyos sang Barotac Nuevo, Iloilo, isa ka electrician kag ginapahayag nga naka-istar man sadto sa Brgy. San Isidro sa distrito sang Jaro.
Sa interview sang Bombo Radyo kay Raymond Jinon, utod sang biktima iya ginpahayag nga wala sang may nakaaway ang iya utod antes nagluntad ang insidente gani wala sila sang maisip nga posible suspek sa pagpatay sa ila himata.
Suno sa natungdan, ginatan-aw nila nga posible ginhungod patay ang iya magulang.
Nagalaum sila nga masolbar na ang kaso sang iya utod kag magsungka na sa kapulisan ang suspek
