THE HAGUE, Netherlands – Padayon nga nagasinggitan sang hustisya ang pamilya sang mga biktima sa nagtibusok nga Malaysia Airline Flight MH17 kadungan sang ika-lima nga tuig sang natabo ang insidente.
Nagdangat sa 298 ka tawo ang napatay lakip na ang tatlo ka mga Pilipino nga sanday Irene Gunawan, 54 anyos, iya mga kabataan nga sanday Sherryl Shania, 20 anyos kag Darryl Dwight, 15 anyos.
Ang remembrance service ang may yara sang feature music, mga nagakanta kag recital sang mga kabataan samtang ginpangunahan naman ni Dutch Prime Minister Mark Rutte ang parada kag paghalad sang bulak sa monumento sang mga pamilya sang biktima.
Naka half mast naman ang mga hayahay sang mga apektado nga pungsod.
Ang mga biktima ang ginalakipan sang 196 ka mga Dutch national kag 36 naman ang Australian.
Nahibaluan nga gintiro ang eroplano gamit ang buk anti-aircraft missile.
Base sa imbestigasyon, ang missile ang nagikan sa Russian military nga 53rd anti-aircraft missile brigade sa syudad sang Kursk.
Ginatudlo naman sang Netherlands ka Australia ang Russia nga amo ang responsable sa pagtibusok sang MH17.
Samtang apat naman ka tawo ang ginpasakaan sang kaso nga murder bangud sa natabo nga lunsay myembro sang separatist rebels sa eatern Ukraine kag ini amo sanday Igor Girkin, Sergei Dubinskiy kag Oleg Pulatov nga mga Russian national kag ang Ukrainian nga si Leonid Kharchenko.
