Ginkalipay sang pamilya sang mga nadula nga mga sabungero ang pagdagdag sang warrant of arrest batok kay Charlie ”Atong” Ang nga gintawag sang mga ini nga importante nga tikang padulong sa ginalauman nila nga hustisya.
Suno pa sa ila nga ang warrant ang isa sa pinakadako nga development matapos ang pila ka tuig nga wala sang kasiguraduhan sa pagkadula sang 30 ka mga sabungero halin 2021 tubtob 2022.
Ginpahayag man sang mga ini ang testimoniya sang whistleblower nga si Julie ”Dondon” Patidongan kag ang duwa pa sini ka mga utod ang nakabulig agud nga maklaruhan sila sa natabo.
Samtang, ginakonsiderar naman ni Patidongan ang warrant batok kay Ang kag pila ka mga myembro sang Philippine National Police bilang tanda sang naga-amat amat hulag nga hustisya.
Nagpasalamat man ang mga ini sa Diyos kag kay President Ferdinand Marcos Jr.
Nagapadayon subong ang pagpangita pa sang dugang nga ebisensya para malakip sa kaso kag iban pa nga naangot dala na ang pila ka mayors kag isa ka anay aktres.
Nagalaom man ang pamilya nga mapatuman ang warrant sang maayo kag wala sang may ginapaburan.
Nagapanawagan man ini sa mga awtoridad nga panindugan ang ila nga responsibilidad batok sa kahadlok kag impluwensiya sang mga tawo nga naangot sa kaso .
