ILOILO CITY – Ginkakibot sang mga himata sang ginakabig karon nga no. 1 drug lord sa Western Visayas nga si Ernesto Bolivar, anay sub-group leader sang drug lord nga si Richard Prevendido nga may kahilabtanan ini sa iligal nga droga
Sa interview sang Bombo Radyo Iloilo sa pakaduha ni Bolivar nga nagpamalibad hingadlan, ginpahayag sini nga sa Bombo Radyo lang sini nabatian nga sunod nga target sang kapulisan ang iya pakaduha.
Ginpahayag sini nga wala siya sang ihibalo nga involve sa iligal nga droga si Bolivar.
Maayo na lang suno diri nga uli-anon na ang iloy ni Bolivar bangud wala sini mabati-an ang nagakatabo sa anak.
Samtang wala na makapauli sa iya puluy-an sa Barangay Guinacas, Pototan, Iloilo si Bolivar halin sang nangin subject ini sang raid sang 2014.
Ginpahayag sa Bombo Radyo ni Barangay Kagawad Martin Loredo, nagapati siya nga sa siyudad sang Iloilo nagatinir si Bolivar.
Sadto suno kay Loredo, daw kaangay nga tiangge sang iligal nga droga ang puluy-an ni Bolivar.