ILOILO CITY- Nagakabalaka ang pamilya sang isa ka repatriated Overseas Filipino Worker bangud sa gin-alegar isa lang ka Comfort Room ang ginapagamit sa mga OFWs kag Locally Stranded Individuals nga wala pa nakapaidalom sa Polymerase Chain Reaction test sa Leganes, Iloilo.

Sa interview sang Bombo Radyo sa tagreklamo nga nagpahinago lang sang pangalan, iya ginpahayag nga nagakabalaka siya sa kahimtangan sang iya himata nga madali na lang makatapos sang 14-day mandatory quarantine matapos nagnegatibo sa COVID-19 test.

Suno sa tagreklamo, isa lang ang ginagamit nga Comfort Room kag wala man sang may naga-disinfect sini.

Bangud sini suno sa tagreklamo, may posibilidad nga kun may yara sang positibo, malatnan ang iban nga yara sa quarantine facility.

Kun tani suno sa natungdan, hatagan sang pagtamod ni Mayor Vicente Jaen ang nasambit nga reklamo