8Nagapati ang pamilya sang driver sang truck nga may karga nga P816 million nga ginapahayag shabu sa Calapan Port, Oriental Mindoro nga nasuguan lang ini.
Ang suspek amo si alyas Christopher, 43-anyos, truck driver kag residente sang Oton, Iloilo apang nagaistar sa Pavia.
Sa interview sang Bombo Radyo kay alyas Dayday, asawa sang suspek, iya ginpahayag nga siya mismo ang indi kumbinsido nga involved ang iya bana sa illegal drug operation bangud wala man ini pirmi sang kwarta.
Suno sa iya, ginakulang gani sila pirmi sa budget nga magpamilya bangud indi man bastante ang ginapadala ni Christopher.
Sa pagkamatuod, nag-untat na gani sa pag-eskwela ang ila kabataan bangud wala sang kwarta nga ipabalon sa ila.
Dugang niya, sa masami nagainaway gani sila bangud sa kakulang sa kwarta.
