ILOILO CITY–Wala sang ihibalo ang pamilya kun bala nagagamit sang illegal nga druga ang suspek nga nagbuno, labo kag nagulgol-patay sa 16 anyos nga dalagita sa Zacarias Subdivision, Cabatuan, Iloilo.
Sa interview sang Bombo Radyo kay Pearly Loreno, utod sang suspek nga si Gringgo Morales, iya ginpahayag nga wala siya sang ihibalo kun bala nagagamit sanga illegal drugs anga iya utod.
Ini bangud nga suno kay Loreno, yara siya sa Manila nagatrabaho kag malaka lang nga nagapauli sa Iloilo.
Ginpahayag dugang ni Loreno nga ila na lang nga ginkakibot nga may yara sanga ginpatay nga tawo si Morales.
Samtang, tuman nga kahulugbon ang rason sang suspek sa pagbuno, paglabo kag pagulgol-patay sa 16 anyos nga dalagita.
Sa exclusive interview sang Bombo Radyo kay Pearly Loreno sang Calinog, Iloilo, utod sang suspek nga si Gringgo Morales, iya ginpahayag nga nakibot na lamang siya sang ginpahibalo siya sang iya pamilya nga nakapatay sang tawo ang iya utod.
Nagpauli siya sa ila balay sa Brgy. Bagongbong, Dueñas, Iloilo kag didto na nahibalu-an ang matuod nga natabo.
Sa pagkamatuod suno kay Loreno, naaksidente pa si Morales samtang sakay sa iya motorsiklo sa sobra nga pagpalagyo.
Sang naka-istoryahanay na sila nga duha, didto na kag gintu-ad ni Morales ang tanan sa iya.
Ginpahayag ni Loreno nga tuman nga kahulugbon ang rason kun nga-a iya ginpatay ang biktima nga si Ariza Mayormente.