ILOILO – Ginpasalamatan sang pamunuan sang University Games 2019 ang Bombo Radyo Philippines nga amo ang official media partner sang hinampang.
Sa interview sang Bombo Radyo kay Rev. Father Wilson Capellan, O.S.A kag Chairman sang Media and Publicity Committee sang 24th University Games, iya ginpahayag nga daku ang nabulig sang Bombo Radyo Philippines agud madul-ong ang pinakaulihi nga balita natuhoy sa kahiwatan.
Suno kay Capellan, nangin matalunsay ang week-long activity nga nag-umpisa sang Oktubre 19 kag nagtakop subong nga adlaw.
Nahibaluan nga lakip sa mga gindeklarar nga champion amo ang:
Sta. Ana De Victorias sa Basketball Men
De La Salle College of St Benilde sa Basketball Women
University of the Philippines-Diliman sa Football Men
De La Salle College of St Benilde sa Volleyball Men
De La Salle University Manila sa Volleyball Women
National University sa Beach Volleyball Men
University of Santo Tomas sa Beach Volleyball Women
Ang tema sang kahiwatan subong nga tuig amo ang “The Games That Bring Us Together for Unity and Peace.”
