ILOILO CITY – Nagpanawagan ang pamunuan sang Association of Barangay Captains (ABC) sa Jaro district sa ila mga residente nga indi magpangimbitar kadungan sang pista ni Nuestra Seรฑora de la Candelaria ukon Feast of the Our Lady of the Candles.
Sa interview sang Bombo Radyo kay Punong Barangay Edwin Divinagracia, presidente sang ABC sa distrito sang Jaro, iya ginpahayag nga indi masigurado ang ginahalinan sang posible mga bisita nga magatambong sa pista.
Suno kay Divinagracia, posible carriers sang COVID-19 ang iban nga mga tawo nga magatambong sa pista.
Agud matapna ang paglapta sang balatian, mas maayo nga wala nalang sang imbitaron nga mga bisita.
Apang kun nakahanda na suno sa opisyal, mas maayo nga magsaulog nalang upod ang pamilya.
