IGBARAS– Ginpanginwala sang lokal nga pamunuan sang banwa sang Igbaras nga indi nila pagpahanugutan nga makasulod sa ila banwa ang mga persona nga nagikan sa banwa sang Miagao kag Guimbal.
Ini matapos may nagpositibo sa coronavirus disease 2019 sa duha ka mga banwa.
Sa interview sang Bombo Radyo kay Igbaras Mayor Jaime James Esmeralda, iya ginpahayag nga wala sang kamatuoran ang nasambit nga isyu, kag ginapahanugutan nga makasulod sa ila banwa ang mga nagadala sang mga kinahanglanon sang mga pumuluyo.
Suno kay Esmeralda, kun may importante nga transaksyon ang mga pumuluyo nagikan sa lain nga banwa, wala nila ini ginabalabagan.
Kun indi naman sila sigurado sa mga nagasulod sa ila banwa suno kay Esmeralda, ginapamonitor nila ini sa mga opisyales sang barangay.
Dugang pa sang natungdan, nagadisinfect man sila sa ila anwa kag ginapatapak sa doormat ng may disinfectant ang mga luyag magkadto sa banwa sang Igbaras.
