Nagpasalig ang pamunuan sang Iloilo City Police Office (ICPO) nga mas pasangkaron pa ang police visibility sa Iloilo City.
Sa interview sang Bombo Radyo kay ICPO Director PCol. Uldarico Garbanzos, iya ginpahayag nga bangud sa lapnagon nga crime incidents sa Iloilo City, magapatigayon sila sang checkpoint sa tanan nga bahin sang syudad sa aga, hapon, gab-i kag kaagahon.
Suno kay Garbanzos, ang nasambit nga checkpoints ang kabahin sang Operation Sita nga iya ginmando sa tanan nga mga station commander sang ICPO.
Pahayag niya, hugot man nga bantayan ang maligwin nga mga lugar kag mga building sa syudad sang Iloilo sa diin masami nga nagakatabo ang mga krimen.
Magluwas diri, magapangayo man sila sang suporta sa tanan nga mga barangay official sa Iloilo City nga amo ang mata kag dulunggan nila nga mga pulis sa mga nagakatabo sa palibot.
