𝗜𝗟𝗢𝗜𝗟𝗢 𝗖𝗜𝗧𝗬 —Nagapati ang pamunuan sang Iloilo City Health Office (CHO) nga dapat tun-an sang national government ang bakuna sa dengue agud nga mabato-an na ang nagalala kaso sang balatian.
Sa interview sang Bombo Radyo kay Dr. Annabelle Tang, head sang City Health Office (CHO), iya ginpahayag nga suportado niya ang pagbakuna sa mga indibidwal agud nga indi na madapuan sang makamamatay nga dengue.
Suno kay Tang, tuman ka importante ang mangin rolyo sang bakuna ilabi na nga sa tagsa ka tuig may nagalusot gid nga kaso sang dengue.
Ginpahayag man sini nga kinahanglan na nga maghimo sang bakuna agud nga makabulig sa pagpanubo sang mga nagapositibo sa amo nga balatian.
Nagapati man ini nga kon may bakuna na batok sa dengue, sarang sini nga maprotektahan ang isa ka indibiwal ilabi na kon may manubo nga immune system.
Nahibaluan nga naglab-ot na sa 800 ka mga kaso sang dengue ang nakumpirmar syuda, kon sa diin tatlo diri ang napatay.
