Nagpanawagan si Cardinal Pablo Virgilio David sa mga kaangay sini nga mga Pilipino nga magpangamuyo sa tunga sang estado sang Pilipinas subong nga yara suno sa iya sa ‘political crisis.’
Nahinambit ini sa misa ni David sa Filipino community sa Los Angeles, California, USA kun sa diin ginplastar sini ang kritisismo sa mga pulitiko, mga kontraktor, kag mga engineer nga wala-huya nga nagapangawat sa pondo sang gobyerno sa pihak nga nagakalumos na sa kapigaduhon ang iban nga mga tawo.
“My dear fellow Filipinos, please pray hard for our country. We are presently in a deep state of political crisis,” suno kay David kadungan sang tuigan nga Virgen de los Remedios Mass sa Cathedral of Our Lady of the Angels.
Ang amo nga liturhiya nga gintambungan sang mga Kapampangan ang nagamarka man sang ika-69 nga anibersaryo sang canonical coronation sa imahe ni Virgen de los Remedios de Pampanga.
“The next few days or weeks or months ahead are now very uncertain,” suno kay David nga amo man ang presidente sang Catholic Bishops’ Conference of the Philippines (CBCP). “It is at this time that we need to invoke the Blessed Mother … the one who intercedes to remedy the crisis situation.”
Ginhaylo man sini ang mga Pilipino nga magpangayo sang proteksyon kay Birhen Maria.
“We commend our country to the Virgen de los Remedios … the one who leads us to follow not Satan’s way, not my way, but God’s way,” dugang sang Cardinal.
Ang Virgen de los Remedios Mass isa ka annual religious event nga gin-umpisahan halos duha ka dekada na ang nagligad paagi sa Filipino immigrants sa Southern California.
Sa pihak nga bahin, diri sa Pilipinas, ginahandaan na ang dako nga protesta nga matabo sa lain-lain nga bahin sang pungsod buwas, Septyembre 21, agud manindugan batok sa lapnagon nga kurapsyon sa infrastructure projects partikular na sa flood control.#
