ILOILO CITY- Wala pa nakabatun sang kopya ang Panay Electric Company tuhoy sa paghatag sang Regional Trial Court Branch 37 sang writ of possession sa MORE Electric and Power Corporation.
Sa interview sang Bombo Radyo kay Atty. Estella Elamparo, legal counsel sang Panay Electric Company, iya ginpahayag nga ang nasambit nga order ang illegal kag wala nagakumpormi sa layi kag indi dapat nga sundon.
Suno kay Elamparo, ang pagpaguwa sang writ of possession ang isa ka pagbastos sa otoridad sang Korte Suprema.
Ini bangud suno kay Elamparo, may yara sang korte nga nagdeklarar nga unconstitutional ang expropriation provision sang Article 11212 nga nagahatag sang prangkisa sa MORE Power nga mangin power distributor sa syudad sang Iloilo.
May yara na sang ginpaguwa nga injunction ang Regional Trial Court sang Mandaluyong suno kay Elmaparo agud ipauntat ang expropriation proceedings.
Ginpasigurado man ni Elamparo nga magahimo sila sang legal remedy batok sa writ of possession.
