Ginakalipay ni Guimaras Governor Samuel Gumarin nga nalakip ang Panay-Guimaras-Negros Bridge sa mga mayor nga proyekto nga gin-aprubhan sang National Economic and Development Authority Investment Coordination Committee-Cabinet Committee.
Sa interview sang Bombo Radyo kay Gumarin, iya ginpahayag nga pinaagi sa pagpatukod sang taytay, malikawan ang trahedya sa kadagatan kaangay sang natabo nga Iloilo Strait tragedy sang Agosto 3.
Suno kay Gumarin, ang proyekto ang may yara naman sang pondo kag makabulig sa pagtib-ong sang turismo.
Ang Panay-Guimaras-Negros bridge ang gastuhan sang China pinaagi sa official development assistance.
Kabug-osan nga 13.10 kilometer road ang Panay-Guimaras lakip na ang 4.80 kilometer bridge nga maga-umpisa sa Brgy. Gua-an, Leganes, Iloilo tubtob sa Brgy. Getulio, Buenavista, Guimaras.
17.40 kilometers naman ang taytay halin sa Guimaras-Negros lakip na ang 12.50 kilometer bridge nga maga-umpisa sa Brgy. M. Chavez, San Lorenzo Guimaras tubtob sa Brgy. Canjusa, Pulupandan, Negros Occidental.
Nahibaluan nga may yara sang P626.11 billion nga pondo ang natalana sa tanan nga mga proyekto.
