Indi upang ang COVID-19 pandemic sa pagtukod sang mga organisasyon nga may katuyuan nga makabulig sa mga kabataan sa pihak sang hugot nga mga restrictions nga ginapatuman sa tunga sang pandemya.
Sa interview sang Bombo Radyo kay Francis Corpuz, 25 anyos kag Founder sang Disaster Action Response Team (DART) sa Jordan, Guimaras, iya ginpahayag nga gikan sa apat ka mga myembro sang organisasyon, nangin 40 na sila subong kag nagatanyag sang mga proyekto para sa mga kabataan.
Suno kay Corpuz, nakapatigayon na sila sang coastal clean up sa mga kabaranggayan sa Guimaras.
Apang wala lang nagasentro ang ila organisasyon sa pagproteher sang palibot.
May yara man sang Circumcision program nga ginpatigayon ang DART sa Jordan sa diin duha na ka sessions ang ila nahimo sa bulig man sang local government unit sang nasambit nga banwa.
Dugang pa sang natungdan, ginlunsyar man sang DART ang three-point-shoot-out activity para sa mga pamatan-on agud nga ma divert ang ila atensyon kag makapartisipar sa pisikal nga aktibidad kaangay sang “sports.”
