Nagakadapat nga magpasalamat pa si Vice President Leni Robredo kay Presidente Rodrigo Duterte bangud na eksperyensyahan niya mangin co-chair sang Inter-Agency Committee on Illegal Drugs.
Sa exclusive interview sang Bombo Radyo kay Presidential Spokesman Atty. Salvador Panelo, iya ginpahayag nga ang mga ginahimo ni Robredo ang wala naluyagan sang Presidente kaangay na lang sa pagpakigkita sang bise presidente sa mga US Officials.
Magluwas sa pagpakigkita kag pagpakigsapol ni Robredo sa mga US officials, indi man luyag ni Duterte ang “grand standing” nga ginahimo sang Bise Presidente nga amo ang pagpatawag sang presscon ukon pag-atubang sa media.
Suno kay Panelo, ginhatag lamang ni Duterte ang luyag ni Robredo sa diin una sini nga ginpahayag nga kun luyag sang Presidente nga bawion ang posisyon bilang co-chair, wala ini sang problema para sa bise presidente.
Wala man naka-istoryahanay sanday Dutertekag Robredo humalin sang gin-appoint sang Presidente ang Bise Presidente bilang co-chair sang ICAD.
Gin-athag man ni Panelo nga wala nagpangayo sang pasaylo si Presidente Duterte kay Robredo.
Sa pahayag naman ni Duterte nga wala siya salig kay Robredo, paathag ni Panelo, ang ginatumod sang Presidente nga wala siya sang salig amo ang pagbuyagyag sang Bise Presidente sang mga impormasyon sa mg US officials.
