SWITZERLAND – Daw kaangay nga normal lang ang sitwasyon sa Switzerland sa pihak sang krisis nga ginapangatubang sang bilog nga kalibutan nga gintuga sang makamamatay nga virus nga COVID-19.
Suno kay Bombo International Correspondent Orlando Eguia, direkta sa Switzerland, indi tuman ka istrikto ang pagpatuman sang mga lihok agud matapna ang COVID-19 sa Switzerland kaangay nalang sang pagsuksok sang mask.
Apang sa pihak sini ginasunod naman sang mga pumuluyo ang social distancing bilang lihok man nila agud malikawan ang nasambit nga balatian.
Dugang sang natungdan, ginatudlo nga rason kun ngaa madasig ang pagsaka sang kaso sang COVID-19 sa Switzerland amo ang mga Italyano nga nagatrabaho kag naga gwa sulod sa nasambit nga pungsod.
Sa subong nagdangat na sa 25,800 ang positibo nga kaso sang COVID-19 sa Switzerland sa diin 1,155 diri ang mga nagkalamatay.
