ILOILO CITY- Nagdangop sa National Bureau of Investigation ang pamilya ni Vice-Mayor Jeffrey Ganzon matapos gin-gamit ang pangalan sang bise-alkalde para sa pagpanunto.
Sa interview sang Bombo Radyo kay Rara Ganzon, anak sang opisyal, iya ginpahayag nga nakalab-ot sa iya atensyon nga may mga establishments nga nakabaton sang peke kag bogus orders gikan sa indi kilala nga mga tawo nga nagagamit sa pangalan sang Vice Mayor’s Office kag ni Ganzon.
Suno sa iya, wala sang bisan ano nga transaksyon ang bise-alkalde sa diin man nga establishment may kaangtanan sa order sang produkto ukon services.
Nagpaandam naman ini sa tanan nga business establishments nga maghalong sa pagbaton sang orders, ilabi na para sa account sang local elective officials.
Sa mga nabiktima, mahimo makig-angot sa Vice Mayor’s Office sa 333-1111 (local 601 kag 609) agud kumpirmahon ang orders ukon transaksyon gamit ang pangalan ni Vice Mayor Jeffrey Ganzon.
