Gin-post na sang Commission on Elections (Comelec) ang tanan nga party-list nominees para sa May 2025 elections para ma-check sang publiko kag maka-file sang petisyon para sa cancellation of nomination kun kinahanglanon.
Suno kay Comelec Chairman George Garcia, ang petition nga i-cancel ang nomination batok sa sin-o man nga party-list nominee ang mahimo ma-file tubtub sa masunod nga lima ka adlaw.
Paagi sa sini, nagalaum ang Comelec nga gamiton sang mga tawo ang ila kinamatarong nga magkwestyon sa nominasyon bangud sa lebel sang Comelec, wala sila sang gahum nga mag-file sang motu proprio complaint agud makanselar ang nomination sang party-list nominee.
Dapat suno kay Garcia nga ang rehistrado nga botante ang mag-file sang reklamo nga nagakwestyon sang eligibility sang party-list nominee.
Ang petition for cancelation of nomination ang mahimo ma-file sa nominees nga wala man nalakip sa mga sector nga ila natalana nga itiglawas sa eleksyon.
Pahayag pa ni Garcia, ang basic qualifications sang party-list nominee amo ang: Filipino citizen, registered voter, residente sang Pilipinas, wala na-convict nga may final judgment sa anuman nga krimen, kag indi perpetually disqualified to hold public office.
Sa pagsulundan sang poll body, ang party-list nominee nga ang nomination nakanselar ukon nag-resign ang indi na pwede mabutangan sang substitute, magluwas lang sa mga na-disqualify antes ang election day.
Mahimo ma-check ini nga partylist nominees sa website sang Comelec.#
