OTON, ILOILO – Dakop sa ginpatigayon nga drug buy bust operation ang isa ka pangayaw sa Brgy. Cabanbanan, Oton, Iloilo.
Ang arestado amo si Rey Tiwana, 42, residente sang Brgy. 2, Tigbauan, Iloilo.
Sa interview sang Bombo Radyo kay Police Lieutenant Colonel Abner Jordan, hepe sang Oton Municipal Police Station, iya ginpahayag nga nabaklan si Tiwana sang suspected shabu balor ₱1,200.
Suno kay Jordan, isa ka semana nila nga ginbantayan si Tiwana antes natigayon ang buy bust operation.
Sang ginrikisa, nakuhaan pa gid ini sang 8 grams sang suspected shabu balor ₱54,400.
Sa subong, preso na ini sa Oton Municipal Police Station kag nagapangatubang ang kaso nga paglapas sa Republic Act No. 9165 ukon Comprehensive Dangerous Drugs Act of 2002.
