ILOILO CITY- Nakit-an nga duguon kag may pilas nga tuga sang pagkaluthang ang isa ka lalaki sa Brgy. 1, San Miguel, Iloilo.
Ang biktima ginkilala nga si Benjie Jayme, ginabanta 50 anyos ang edad, kag residente sang Bacolod City.
Sa interview sang Bombo Radyo kay Police Staff Sergeant Billy Salvilla, imbestigador sang San Miguel Municipal Police Station, iya ginpahayag nga nasapwan ang biktima sa papag sang kamalig nga iya ginatiniran kag wala na sang pangalibutan.
Madasig naman nga gindala ang biktima sa ospital samtang padayon ang imbestigasyon sang otoridad agud makilala kun sin- o ang responsable kag matumod ang motibo sa krimen.
