Ginklaro ni Senator-Judge Kiko Pangilinan nga wala pa sang naistoryahan ang impeachment court kaangot sa kun san-o mahibaluan ang verdict kay Vice President Sara Duterte.
Kasunod ini sang press conference ni Impeachment Court spokesperson Atty. Reginald Tongol kun sa diin iya ginpahayag nga posible nga malab-ot na ang verdict sa Disyembre 16 kun makatapos na ang prosekusyon kag depensa sa ila nga mga presentasyon.
“The Impeachment Court has yet to formally or informally discuss this and has yet to decide on the timetable/timeline of the trial more so a verdict date of December 16,” suno kay Pangilinan sa iya nga Facebook post.
Gin-athag man sini nga opinyon lamang ni Tongol ang iya ginhambal, kag bilang senator-judge, indi sila pareho sang opinyon.
“This verdict date is merely the opinion of the spokesperson. As Senator Judge, I do not share the opinion of the spokesperson. He has no authority to issue his personal opinions on the Court’s behalf,” dugang niya.
Nahibaluan nga sa presscon ni Tongol, ginsiling sini nga posible nga matapos na sang prosekusyon ang ila nga presentasyon sa masunod nga semana.#
