ILOILO CITY – Ipatuman na naman subong nga semana ang panibag-o nga hugnat sang major oil price hike.
Ini na ang ikalima nga sunud-sunod nga semana nga may price hike sa gasolina kag ika-anum sa diesel kag kerosene.
Sa advisory sang oil industry sources, yari ang pagbag-o sa presyo sang gatong nga mangin epektibo bwas nga adlaw, Agosto 15:
gasolina- magasaka sang P1.90/ liter;
diesel- magasaka sang P1.50/ liter; kag
kerosene- magasaka sang P2.50/ liter.
Suno sa Oil Industry Management Bureau sang Department of Energy, ang projected major hike sa presyo sang gatong ang bangud sa gihapon sa production cut sa Saudi Arabia, ang ginalauman nga pagbaskog sang ekonomiya sa Estados Unidos, kag ang pamahog sang Ukraine sa tion nga magpadayon ang pag-block sang Russia sa mga ports sini.
