ILOILO CITY – May yara sang panibag-o nga protocol nga ipatuman sa tion nga matapos na ang lockdown sa Iloilo Fish Port Complex.
Sa interview sang Bombo Radyo kay Dr. Justo Anaquita, designated spokesperson sang Iloilo Fish Port Complex, iya ginpahayag nga lakip sa mga ginaduso amo ang pag-limit sa schedule sang baligyaanay kun sa diin ginaduso nga ang selling time ang maga-umpisa 5:00pm tubtub 9:00pm.
Magluwas diri, ginaduso man suno kay Anaquita ang pag-limit sang numero sang mga nagapatigayon sang trasaksyon sa tagsa ka oras.
May kaangtanan sa ginpatigayon nga lockdown sa fish port, ginpahayag sang natungdan nga tuman na ka daku ang piyerde sa palangabuhi-an.
