ILOILO CITY – Ginalauman nga magasugod na sa Sabado ang pagbyahe sang panibag-o nga unit sang sakayang pandagat via Iloilo City- Buenavista, Guimaras and vice versa.
Sa interview sang Bombo Radyo kay Atty. Vicente de Asis, operator sa Buenavista and Jordan Ferry Inc., iya ginpahayag nga magalayag na ang 63-seater passenger vessel sa tion nga ma-aprubahan na sang Maritime Industry Authority ang pag-amyendar sang iya certificate of public convenience.
P30 ang pamasahe para sa regular passengers samtang P20 naman sa mga estudyante.
Dugang pa niya, may maabot nga dugang nga tatlo ka air-conditioned units kun sa diin, ang duha diri ang magabyahe sa Jordan kag Buenavista, Guimaras.
Nahibaluan nga may isa ka passenger vessel nga may byahe Iloilo City- Buenavista, Guimaras and vice versa nga nag-untat na.
