Dako ang gintungdan nga papel sang panindugan nanday president-elect Donald Trump sang Republican Party kag Kamala Harris sang Democratic Party sa desisyon sang mga botante sa America.
Si Trump ang kilala nga nagapamatok sa pagsulod sang illegal immigrants sa US samtang si Harris naman ang pabor diri.
Suno kay Bombo International Correspondent Rufino Pinoy Gonzales direkta sa Texas, wala nagustuhan sang Latino Community, Black Americans, kag mangin sang mga Pinoy ang polisa sang subong nga administrasyon nga nagatolerar sang illegal immigrants.
Pahayag pa ni Gonzales, yara sa 20 million ang mga illegal immigrants nga ginapasulod sa Estados Unidos kag dako ang epekto sini sa ekonomiya.
Nahibaluan nga lunsay nangibabaw si Trump kay Harris sa popular vote kag electoral votes.
Nakakuha si Trump sang 295 electoral votes samtang 226 naman ang kay Harris.
270 lang ang kinahanglan agud magdaug.
Base naman sa popular votes, nakakuha si Trump sang masobra 72 million samtang 67 million ang nakuha ni Harris.
