ILOILO CITY – Nagapadayon sa subong ang tuigan nga Panubli-on 2022, isa ka regional trade fair nga ginapatigayon sang Department of Trade and Industry-Region VI.
Subong nga tuig ang tema amo ang “Advancing Innovations” nga nagsugod sang Nobyembre 16 kag magatapos sa Nobyembre 20.
Sa interview sang Bombo Radyo kay Ermelinda Pollentes, OIC Regional Director sang Department of Trade and Industry-Region VI, iya ginpahayag nga 181 ka mga micro, small and medium enterprises ang gina-feature nagikan sa walo ka mga probinsya sa rehiyon sa idalom sang One Town, One Product Next Gen Program.
Lakip sa mga gina-feature nga industry amo ang kawayan, cacao, processed food kag high value coconut products kag ang mga produkto sa idalom sang special programs nga ginapatuman sa rehiyon kaangay sang Youth Entrepreneurship Program, Ubra PWD kag Comprehensive Agrarian Reform Program.
Ang Panubli-on regional trade fair ang una nga ginpatigayon sang 2003.
