Nagalaum ang Presidential Anti-Organized Crime Commission (PAOCC) nga madula ang tanan nga iligal nga Philippine Offshore Gaming Operators (POGOs) sa tuig 2025.
Ginpahayag ni PAOCC Executive Director, Undersecretary Gilbert Cruz nga masobra lang sa isa ka gatos ka mga POGO ang naga-operate sa small-scale sa pungsod matapos ang pagdeklarar sang total ban ni President Ferdinand R. Marcos Jr. sa mga POGO.
Halin sa dalagku nga POGO hubs suno kay Cruz, kalabanan sini nga mga operator ang naganegosyo na sa mga apartment, condominium, lakip na halin sa ila mga hulot sa mga hotel ukon resort.
Una na nga gin-rescue sang PAOCC ang 34 ka mga Indonesians sa gina-alegar POGO hub sa Pasay kag nadakpan ang isa ka Chinese woman nga si Liu Meng, duha ka wala makilala nga Chinese nationals, kag isa ka Malaysian.
