Indi na ‘friends’, kundi confirmed nga couple na sanday Paolo Contis kag ang sexy actress nga si Yen Santos!
Suno pa sa aktor, “what you see is what you get.”
“Ang sa amin kasi, what you see is what you get naman. Hindi namin puwede ipilit ‘yung tao to be happy for us. Hindi namin puwede ipilit ‘yung mga tao na paniwalaan ‘yung gusto nilang paniwalaan. Sana lang isipin nila na kung ano lang ‘yung nakikita nilang naka-post, iyon lang ‘yung truth na alam nila,” paglaragway sini sa ila relasyon.
Gin-athag man ni Paolo nga sang nag-trending ang “Baguio as a friend” nga picture nila nga duha, indi pa sila magka-relasyon ni Yen kag matuod nga mag-abyan pa gid lamang sila sang amo nga tion.
Suno pa kay Paolo, nangin sila lang ni Yen sang nagbiya na ang iya nga former partner nga si LJ Reyes agud magtinir sa New York.
Gin-clarify man sini nga madugay na nga indi maayo ang ila relasyon ni LJ, masami nga naga-away, kag wala sang labot si Yen sa ila nga separasyon.
“Medyo matagal na kaming hindi okay ni LJ. Pero we were together of course. Napapadalas ‘yung away. I think it’s, kumbaga, combination na ng stress sa pandemic and everything. One of my biggest mistakes was hindi ko inalala ‘yung mental health ni LJ. Isa ‘yun sa feeling ko naging simula ng downfall namin, na hindi ko inisip ‘yun. Kapag nahihirapan siya during pandemic, ang utak ko, ‘Four times a day tayo kumain, chill ka diyan’ — which was one of my biggest mistakes,” paathag sang aktor.
Matandaan nga magkaupod sanday Paolo kag Yen sa isa ka movie shot sang 2021 sa Faroe Islands nga sakop sang Kingdom of Denmark.
Sang amo man nga tuig, nagbulagay sanday Paolo kag LJ kag sunod nga nagpadulong ang aktres sa Estados Unidos sang Amerika kaupod ang iya mga anak nga sanday Aki kag Summer.
Nangin unod sang huring-huring sadto si Yen kag ginpasibangdan sang publiko nga third party sa relasyon nanday LJ kag Paolo. ##
