Nag-walk out sa plenaryo sang Kamara si Davao City 1st District Representative Paolo “Pulong” Duterte kaupod ang tatlo pa ka mga mamalidha halin sa Davao matapos ang pagbukas sang 20th Congress.
Kaupod ni Duterte nga nag-walk out sanday Davao City 2nd District Rep. Omar Duterte, PPP Party-list Rep. Harold Duterte, kag Davao City 3rd District Rep. Isidro Ungab.
Naggwa ang apat ka mamalidha sa tunga-tunga sang pagboto sang House Speaker.
Ginpaathag sang anak ni anay Presidente Rodrigo Duterte nga wala sila nalakip sa mayorya ukon sa minorya gani ginakabig nila ang ila nga kaugalingon bilang independent.
