Ginapangita na sang otoridad ang lawas sang isa ka transportation network vehicle services (TNVS) driver nga ginholdap kag ginapatihan nga ginpatay sang iya nga mga pasahero.
Natabo ang insidente sa Cavite.
Ang krimen mabatian sa video halin sa recording sang dashcam sang salakyan sang biktima.
Base sa impormasyon, nagsakay ang tatlo ka mga suspek sa isa ka establisimyento sa Parañaque City sang May 18.
Nakita man ang isa ka suspek nga may ginkuha nga kutsilyo sa mga tanom.
Sa dashcam footage sang salakyan, mabatian ang istoryahan sang mga suspek tuhoy sa pagkuha sa cellphone at kag ang pagpatay nila sa biktima.
May nakit-an naman nga CCTV footage ang NBI kun sa diin yara ang duha ka suspek nga nanaog halin sa ginkawat nga salakyan.
Hustisya naman ang ginasinggitan sang pamilya sang biktima kag nagalaum nga makit-an na ang lawas sini.
Natumod naman sang NBI ang identity sang mga suspek nga pasakaan sang kaso nga carnapping kag robbery with homicide.
