JANIUAY, ILOILO – Pasado alas-singko sang hapon naghalin ang biktima sa ila nga balay kag nagpadulong sa tyangge agud nga magbakal sang habon sa Barangay Abangay Janiuay, Iloilo .
Ang biktima amo si Ronalyn Bravio, 19 anyos samtang ang suspek naman amo ang iya pakaduha nga si Rhegie Levoit, 42 anyos.
Naga istoryahanay pa sa cellphone ang biktima kag ang iya nga nobyo samtang pabalik na ini sa ila nga balay kag napatay ang iya nga cellphone.
Apang antes mapatay ang cellphone ni Bravio, nakasugid pa ini sa iya nga nobyo nga ginasundan siya sang 14 anyos nga lalaki nga amo ang anak sang suspek.
Samtang base naman sa panaysayon sang 14 anyos nga bata, nagapapuli na ang biktima sang ila ini gindakop kag ginpugos sang iya amay.
Ginyudyod pa sang mag-amay si Bravio padulong sa talamnan.
Pag-abot sa talamanan, ginhal-id sang amay ang dalaga sa kahon kag didto niya ginbuno sang ice pick ang tyan sang biktima.
Nagahulag pa ang dalaga sa diin ginsugo sang amay ang iya anak nga kaptan ang kamot sang biktima kag natigayon ang pagpanghimulos sang amay.
Sang natapos ang pagpanghimulos sang amay sa dalaga, iya pa nga ginsugo ang iya anak nga magbulos sa iya sa pagpanghimulos sa biktima.
Ginpahayag sang amay nga ilubong nila ang dalaga apang nagpamatok ang 14 anyos nga anak sini.
Liwat nila nga ginyudyod ang biktima kag gindala sa isa ka payag kag ginhublasan nila ini kag ginkuhaan sang pang-ibabaw nga panapton.
Gin-ipit pa sa kilid sang hawak sang biktima ang duha niya ka kamot kag ginhigtan.
Mismo ang duha man ka tiil sang biktima ang nakagapos amo man ang iya nga liog nga ginhigtan sang sako samtang nakahigot ang punta sang sako sa haligi sang payag.
Nangita pa ang amay nga suspek sang sanga sang mahogany kag iya ginlamposan ang ulo sang biktima rason nga nawasak ang ulo sini nga isa man sa gintunaan sang iya kamatayon.
Apang magluwas sa biktima, makapila naman nga nadakpan si Levoit nga nagapanglingling kag nagtuyo pa ini nga sakaon ang isa sa mga utod sang biktima sadto.
Samtang pahayag naman sang suspek, panulukan niya sa dalaga amo ang iya nga tiayon.
Ang suspek nga si Levoit, ang bulag na sa iya asawa walo ka tuig na ang nakaligad.
Samtang ang biktima ang isa ka 1st year management student sa isa ka unibersidad sa syudad sang Iloilo.
Sa interview sang Bombo Radyo kay Levoit, iya ginpahayag nga naluyag siya sa biktima bangud kaangay tyura ang iya asawa kag ang biktima.
May yara sang duha ka mga kabataan ang suspek sa diin amo ini ang 14 anyos nga kaupod niya sa paghimo sang krimen kag ang walo ka tuig lunsay mga lalaki.
