ILOILO CITY- Ginpasakaan sang kaso nga sexual abuse kag ginpreso ang isa ka pari sa Poland nga amo ang nagserbe nga national organiser para sa World Youth Day (WYD) nga ginakabig nga major global event para sa mga pamatan-on nga ginahiwat sang Catholic church.
Suno kay Bombo Neva Intrepido – Kessler, international correspondent sa Poland, ang 45-anyos nga pari nga ginpangalanan nga si Mariusz W. sa idalom sang Polish privacy law, ang may yara sang pito ka mga offences nga natabo sa tunga-tunga sang 2011 kag 2021.
Si Mariusz W. ang nagserbe nga local coordinator sang World Youth Day sa Radom diocese sang 2014 tubtob 2016 nga amo ang tuig nga gin-host sang Poland ang event nga gintambungan ni Pope Francis.
Sang 2021, siya ang gin-appoint bilang director sang Polish church’s national organising office para sa World Youth Day nga nanguna sa preparasyon sa Poland para sa 2023 event nga ginhiwat naman sa Portugal.
Sang December 2021, ginpahibalo sang Catholic diocese sang Radom ang prosecutors tuhoy sa potential crimes nga nahimo ni Mariusz W. matapos nakabaton sila sang testimoniya gikan sa pila ka mga pamatan-on nga babaye nga nagaalegar nga gin-abuso sila sang pari.
Ang pari nga nagtrabaho man bilang youth chaplain para sa Radom diocese kag academic chaplain kag lecturer sa university sa Radom ang gilayon nga ginkakas sa iya functions kag ginpaidalom sa restrictions kaangot sa iya ministro bilang pari.
Humalin sadto, gin-imbestigaran sang prosecutors ang alegasyon kag gin-istorya ang mga ginaalegar biktima kag nagresulta sa pagpasaka sang kaso batok sa pari kag ginpaidalom sa retrial detention sa sulod sang tatlo ka bulan.
Magluwas sa sexual abuse, akusado man ini sang incitement sa paghatag sang sala nga testimony.
Kun mapamatud-an nga guilty, mahimo ini mangatubang sang tubtob sa 12 ka tuig nga pagkapreso.
