ILOILO – Wala nakaluwas sa akig ni Iloilo Police Provincial Office Director Police Col. Roland Vilela ang isa ka pari nga naglapas sa Anti-Illegal Parking Ordinance kadungan sang pagsaulog sang tigkalalag.
Sa interview sang Bombo Radyo kay Vilela, iya ginpahayag nga madamu siya sang may ginpang-akigan bangud nga wala nagasunod sa pagsulundan ilabi na sa pagpadulong sa mga patyo.
Suno kay Vilela, matuod nga may isa ka pari siya nga gin-akigan bangud sa illegal parking kag sa iya pagpamuno, wala siya sang pasin-uhon.
Magluwas diri, ginpahayag man sang natungdan nga indi makabig nga exemption ang mga pulis kag pila ka mga kilala nga personalidad sa probinsya sang Iloilo.
Nahibalu-an nga may pila ka mga hepe nga nakatilaw sang tindak gikan kay Vilela matapos napaslawan sa pagsunod sa guidelines nga ginamandu sang Provincial Director.
