Nagdulot sang tuman nga huol sa mga motorista ang partial nga pagpasirado sang Jalandoni Street, Jaro, Iloilo City.
Ini matapos nga ginhimo nga one way lamang ini kag wala gintugutan nga makalabay ang mga salakyan nga halin sa Bolilao padulong sa E. Lopez Street, Jaro.
Sa interview sang Bombo Radyo kay retired PCol Uldarico Garbanzos, head sang Iloilo City Traffic Management Unit, iya ginpahayag nga nagpagwa na ang advisory tuhoy diri ang Department of Public Works and Highways Region 6.
Suno kay Garbanzos, sa ila nga bahin, nagbutang lamang sila sang personnel agud magdumala sang trapiko sa lugar.
Base naman sa advisory sang DPWH, may ongoing road construction kag drainage structure sa Jalandoni Street (halin sa PS Bank padulong sa Dungon Creek) apang ini ang na-schedule nga October 3, 2024 tubtob October 10, 2025.
