Isa ka flight halin sa Savannah, Georgia padulong sa Miami, Florida ang nangin magamo samtang yara sa kahawaan matapos nangin bayolente ang isa ka pasahero, gin-atake ang mga flight attendants, kag nagtulon sang mga beads sang rosarito.
Ang suspek amo si Delange Augustin, 31.
Hinali lang ini nagsinggitan sa eroplano nga American Airlines Flight 4162.
Suno sa mga pasahero, gindumdom sang isa ka flight attendant nga may medical emergency si Augustin gani gintinguhaan ini nga pakalmahon.
Apang hinali lang sini ginsipa ang flight attendant kag madamo pa gid ini sang ginhimo nga gamo.
Bangud diri, nagdesisyon ang piloto nga ibalik sa ginhalinan nga airport ang eroplano.
Pag-abot sa airport, nag-atake pa gid ini sang iban nga tawo.
Suno sa iya utod nga si Medjina Augustin, nga kaupod niya sa flight, pakadto sila sa Haiti agud malagyo gikan sa isa kag ‘spiritual attack’.
Bag-o mangin bayolente si Delange, ginpahayag niya nga may nakit-an siya nga mga alagad ni Satanas sa eroplan kag ginapunggan siya nga makalab-ot sa Haiti.
Sa tunga-tunga sang komosyon, gintulon pa ni Delange ang isa kag rosarito nga amo ang pangontra niya batok sa malain nga mga espiritu.
Gindala naman ini sa ospital matapos gintulon ang rosarito.
Padayon man ang imbestigasyon sa insidente kag ginpasakaan sang kaso si Augustin sang kaso nga misdemeanor battery, misdemeanor obstruction of police, kag felony criminal property damage.
