Dako ang nangin pasensya kag disiplina sang Phoenix Suns ipaanggid sa Milwaukee Bucks rason nga nakuha sang Suns ang kadalag-an sa game 2 sang NBA Finals sa score nga 118-108.
Sa interview sang Bombo Radyo kay Jophil Cercado, basketball trainor kag coach sang Province of Iloilo Sports Program, iya ginpahayag nga kulang sa ‘awareness’ ang Bucks sa mga masunod nga hulag kag diskarte sang Suns.
Suno kay Cercado, masami man nga nagakatalang ang mga player sang Bucks sa diin nagakabudlayan ang mga ini magpakot sang masunod nga hulag sang Suns tubtub natapos ang game 2.
Ginpahayag niya nga sa bahin sang Suns, nangin impresibo ang ginpakita nga composure, kontrol kag pag-intindihanay sang isa kag isa sa sulod sang court.
Nangin epektibo man ang mga tira kag style sang pointguard nga si Chris Paul.
Agud makabawi sa game 2 ang Bucks, ginpahayag ni Cercado nga pila sa mga adjustments nga dapat himuon sang Bucks amo ang husto nga pagtuon sa mga istilo sang kontra kag tun-an ang mga tactics sang Suns.
