Iloilo City – Isa naman ka pasidungog para sa Iloilo City ang nabaton nga award nagikan sa World Resources Ross Center Prize for Cities.
Ini nga award giving body ang nagakilala sa mga syudad nga may maayo nga inisyatibo para sa housing kag urban development.
Sa interview sang Bombo Radyo kay Ms. Sonia Cadornigara, Regional Coordinator of the Homeless People’s Federation of PH, Inc. for Iloilo City, iya ginpakigbahin ang mga hinimuan sang syudad agud mahatagan sang relocation site ang mga informal settlers.
Dugang pa ni Cadornigara, nangin madinalag-on ang syudad bangud sa partisipasyon sang Iloilo City Local Government Unit kag iban nga mga ahensya sang gobyerno agud mahatagan sang igtalupangod ang mga flood control projects para sa benepisyo sang urban poor.
Nahibaluan nga ang Iloilo City lamang ang awardee sa bilog nga Southeast Asia.
Ang iban nga awardee amo ang Paris sa France, Odisha sa India, Peshawar sa Pakistan kag Baranquillo sa Colombia.
